೦೦೪೬. ಭಯಾಪಹಾ (೧೨೧), ಶಾಂಭವೀ (೧೨೨), ಶಾರದಾರಾಧ್ಯಾ (೧೨೩) (ಶ್ರೀ ಲಲಿತಾ ಸಹಸ್ರನಾಮ ೧೨೧ ರಿಂದ ೧೨೩ನೇ ನಾಮಗಳ ವಿವರಣೆ)
ಲಲಿತಾ ಸಹಸ್ರನಾಮ ೧೨೧-೧೨೩
______________________________
೧೨೧. ಭಯಾಪಹಾ
ಬ್ರಹ್ಮವರಿತವ ನಿರ್ಭೀತ ಸ್ವಯಂ ಸಾಕ್ಷೀಭೂತ
ಮಾಯೆ ಅಜ್ಞಾನವಷ್ಟೆ, ಎರಡಾಗಿ ಹೆದರಿಸುತ
ಸಂಸಾರಚಕ್ರ ಬಂಧನ, ಭಯ ಬಿಡಿಸೊ ಚರಣ
ನಾಮೋಚ್ಛಾರಣೆಯೆ ಬಲ, ಭೀತಿಯೆ ನಿತ್ರಾಣ ||
ಭಯದ ಬಗ್ಗೆ ಇನ್ನಷ್ಟು ವಿವರಣೆ:
ಭೀತ ಮನವೆ ಶಕ್ತಿಗೆ ಬವಣೆ, ಕನ್ನಡಿ ಸುಖದುಃಖ ಪ್ರತಿಫಲನೆ
ಕರ್ಮಾರ್ಜಿತ ಪೂರ್ವಾರ್ಜಿತಾ, ಕೊರಗೆ ಋಣಾತ್ಮಕ ಯಾತನೆ
ಆಧ್ಯಾತ್ಮಿಕತೆ ಔನ್ನತ್ಯ ವಿನಾಶ, ಅರ್ಥಿಕ ಭೌತಿಕ ಅಹಂ ಜಾಲ
ಧನಾತ್ಮಕ ಪೋಷಣೆ ತಾನೆ, ಮೂಲೋತ್ಪಾಟನೆ ಭಯ ಮೂಲ ||
ಬಿತ್ತಿದ ಬೀಜದ ಫಸಲು, ಭಯ ಭೀತಿಯ ಹೊಸಿಲು
ದೈವಿ ಶಕ್ತಿಯೆ ಸುತ್ತಲೂ, ನಂಬೆ ರಕ್ಷಿಸಿ ಹಗಲಿರುಳು
ಭಯಕೆ ಅಂಜದೆ ಕಪಿಮುಷ್ಟಿಯಲ್ಹಿಡಿದಿಡುತೆ ಕಾರಣ
ಕ್ಷಿಪ್ರ ಧ್ಯಾನ ಕಾರಣ ಭಸ್ಮ, ಭಯಪ್ರಭಾವ ನಿರ್ನಾಮ ||
೧೨೨. ಶಾಂಭವೀ
ಭಕ್ತಗೆ ಸುಖ ದಯಪಾಲಿಸುತ ಶಿವ ಶಂಭು ಲಲಿತೆ ಶಾಂಭವಿ
ಆಜ್ಞಾಚಕ್ರ ಕಣ್ಗುಡ್ಡೆ ಗಮನ ಶಾಂಭವಿ ಮುದ್ರೆ ಪ್ರಜ್ಞಾರೋಹಣ
ತ್ರಿದೀಕ್ಷಾ ವ್ಯಾಖ್ಯಾನ ಶಾಕ್ತಿ, ಮಾಂತ್ರಿ, ಶಾಂಭವಿ ಅರಾಧನೆಗೆ
ಶಾಂಭವ ಮಾತೆ ಶಾಂಭವಿ ತನುಮನವೆಲ್ಲಾ ಸದಾಶಿವವಾಗೆ ||
೧೨೩. ಶಾರದಾರಾಧ್ಯಾ
ಅರಾಧಿತೆ ಮಾತೆ ವೇದ ಶಾಸ್ತ್ರ ಪಾರಂಗತ ಜ್ಞಾನವಂತ
ವಾಗ್ಡೇವಿ ರೂಪದ ಶಾರದೆ ಸರಿ ಮಾತನು ಕರುಣಿಸುತ
ಆರಾಧಿಸುವಳೆ ಸರಸ್ವತಿ ವಾಕ್- ದೇವಿ ಸಹಸ್ರನಾಮ
ಶಾರದಾ ನವರಾತ್ರಿ ಪೂಜೆಗೆ ಲಲಿತಾಂಬಿಕೆ ಸಂಭ್ರಮ ||
ಶ್ರೀಧರರ ವಿವರಣೆಯ ಕೊಂಡಿ (ಸಂಪದದಲ್ಲಿ):
ಇಂಗ್ಲೀಷ್ ಮೂಲ ರೂಪ: ಶ್ರೀಯುತ ವಿ. ರವಿಯವರಿಂದ ರಚಿಸಲ್ಪಟ್ಟ LALITHA SAHASRANAMAM 121-123 ಎನ್ನುವ ಆಂಗ್ಲ ಲೇಖನದ ಅನುವಾದದ ಭಾಗ : http://www.manblunder.com/2009/08/lalitha-sahasranamam-121-123.html