೦೦೫೯. ನಿರಪಾಯಾ (೧೮೬), ನಿರತ್ಯಯಾ (೧೮೭), ದುರ್ಲಭಾ (೧೮೮), ದುರ್ಗಮಾ (೧೮೯), ದುರ್ಗಾ (೧೯೦), ದುಃಖ ಹಂತ್ರೀ (೧೯೧), ಸುಖಪ್ರದಾ (೧೯೨) (ಶ್ರೀ ಲಲಿತಾ ಸಹಸ್ರನಾಮ ೧೮೬ರಿಂದ ೧೯೨ನೇ ನಾಮಗಳ ವಿವರಣೆ)
ಲಲಿತಾ ಸಹಸ್ರನಾಮ ೧೮೬ – ೧೯೨
_____________________________
೧೮೬. ನಿರಪಾಯಾ
ವಿನಾಶರಾಹಿತ್ಯತೆ ಪರಬ್ರಹ್ಮ ಮೂಲ ಲಕ್ಷಣ
ಅಪಾಯಗಳೆಲ್ಲವ ಮೀರಿದ, ಬ್ರಹ್ಮ ನಿರ್ಗುಣ
ವಿನಾಶಾತೀತ ದೇವಿಯೆ ನಿರಪಾಯಾ ಲಲಿತೆ
ನಾಶ ವಿನಾಶ ಮರಣಾ ಬ್ರಹ್ಮದಿಂದಲೆ ಬಂತೆ ||
೧೮೭. ನಿರತ್ಯಯಾ
ಮಿತಿ ದಾಟದ ವೃತ್ತಿ ಪರತೆ, ಸರ್ವದಾ ಕರ್ತವ್ಯ ನಿರತೆ
ಭಗವಂತನ ನಿಯಮದೆ ಕರ್ಮ ಕಾರ್ಯ ನಿರ್ವಹಿಸುತೆ
ಮಾದರಿಯಾಗುತೆ ಮಾಡೆಲ್ಲ ಕರ್ಮ ಪರಿಪಾಲನೆ ಸದಾ
ಅನುಕರಿಸೆ ಪ್ರೇರೇಪಿಸಿ ಜಗವ ಮುನ್ನಡೆಸುವ ನಿರತ್ಯಯಾ ||
೧೮೮. ದುರ್ಲಭಾ
ಅಂತರಿಕ ಹುಡುಕಾಟಾನ್ವೇಷಣೆಗಷ್ಟೆ ಲಭ್ಯಳು ಲಲಿತೆ
ಬಾಹ್ಯಾಚರಣೆ ಮೀರಿದ ನಿಷ್ಠೆ ಧ್ಯಾನಗಳವಿರತ ಬದ್ಧತೆ
ಉನ್ನತ ಪ್ರಜ್ಞೆಗೆ ಶ್ರಮಿಸುತ, ಗಳಿಸಿದರಷ್ಟೆ ಸಾಕ್ಷಾತ್ಕಾರ
ಕಾಠಿಣ್ಯಗಮ್ಯ ಲಲಿತೆ ಕೃಪೆಯಿಡೆ, ಹೂವ್ವಂತೆ ಪರಿಹಾರ ||
೧೮೯. ದುರ್ಗಮಾ
ಕಠಿಣ ಸಾಧನೆಯತನಕ ದುರ್ಗಮಾ ಒಲಿಯಳೆ ದೇವಿ
ಸ್ಥೂಲ ರೂಪದ ಪೂಜೆ ಮೊದಲ ಮೆಟ್ಟಿಲಾಗಿಸಿ ತಡವಿ
ಹಂತಂತ ಮೇಲೇರಿಸಿ ಸೂಕ್ಷ್ಮ ಕಾಮಕಲಾರೂಪ ಪೂಜೆ
ಸೂಕ್ಷಾತಿಸೂಕ್ಷ್ಮ ಧ್ಯಾನ ಜಾಗೃತಿ ಕುಂಡಲಿನಿ ಜತೆ ಹೆಜ್ಜೆ ||
೧೯೦. ದುರ್ಗಾ
ಸದೃಢ ಮಾನಸಿಕತೆ ದೇಹ ಸೌಷ್ಟವ ಬೇಕು ಕಾಣೆ ದೇವಿಯ
ಮಾನಸಿಕ ಭೌತಿಕ ಕಾಪಿಡೊ ಕ್ರಿಯ, ತೆರೆಸಿಡುವ ಆಂತರ್ಯ
ಶತಾಕ್ಷರೀ ಗಾಯತ್ರಿ ಮೃತ್ಯುಂಜಯ ದುರ್ಗಾಸೂಕ್ತಿ ನಿರಂತರ
ಪಠಿಸಿದರೆ ಪರಿಹರಿಸುವಳು ಲಲಿತೆ, ಸಂಕಷ್ಟಗಳೆಲ್ಲಾ ದೂರ ||
೧೯೧. ದುಃಖ ಹಂತ್ರೀ
ತಾವರೆಯೆಲೆಗಂಟದ ನೀರಾಗಿರೆ ಭೌತಿಕ ಜಗದೆ ಭಕ್ತ
ತೊಡೆದೆಸೆಯುವಳು ಯಾತನೆ,ದುಃಖ ದೇವೀ ಲಲಿತ
ಭೌತಿಕ ಕಾಮ ಮೋಹ ಭಾಧಿಸೆ, ಸಂಸಾರದ ದುಃಖ
ಸಾಗರದಿ ಮುಳುಗಿಸದೆ ಈಜಿಸಿ, ದಡ ಸೇರಿಸೊ ಲೆಕ್ಕ ||
೧೯೨.ಸುಖಪ್ರದಾ
ದುಃಖವಿಲ್ಲದ ಶೇಷ, ಕೊನೆಗುಳಿಯುವುದೆ ಸಂತೋಷ
ಅರ್ಹ ಭಕ್ತಗೆ ಸುಖಪ್ರದಾ ದಯಪಾಲಿಸಿ ಅಮಿತಾರ್ಷ
ಮಾಧುರ್ಯರುಚಿ ಮೂಲವರಿತ ಭಕ್ತ ಆನಂದ ಅಪಾರ
ಆಯ್ಕೆ ಕರ್ಮಾನುಸಾರ ಸಾಧಕಗಿರೆ ಜ್ಞಾನಸಾಕ್ಷಾತ್ಕಾರ ||
ಶ್ರೀಧರರ ವಿವರಣೆಯ ಕೊಂಡಿ (ಸಂಪದದಲ್ಲಿ):
ಇಂಗ್ಲೀಷ್ ಮೂಲ ರೂಪ: ಶ್ರೀಯುತ ವಿ. ರವಿಯವರಿಂದ ರಚಿಸಲ್ಪಟ್ಟ LALITHA SAHASRANAMAM 186-192 ಎನ್ನುವ ಆಂಗ್ಲ ಲೇಖನದ ಅನುವಾದದ ಭಾಗ : http://www.manblunder.com/2009/09/lalitha-sahasranamam-186-192.html
12_ಶ್ರೀ ಲಲಿತಾ ಸಹಸ್ರನಾಮಗಳ ವಿವರಣೆ (ಸರಳ ಕಾವ್ಯ ರೂಪದಲ್ಲಿ) 